Високо преносливата делта варијанта на коронавирусот може да има одреден степен на отпорност на вакцините. Епидемиологот на Светската здравствена организација Марија Ван Керхове изјави дека има некои докази за намалена ефикасност на вакцините против оваа варијанта за прв пат идентификувана во Индија, иако не толку колку што е случајот со бета варијантата откриена во Јужна Африка. Но, генерално, таа рече дека вакцините се „сè уште многу ефикасни“. „Тоа е навистина важна порака што сакаме да ја направиме кристално јасна. Додека гледаме одредена намалена ефикасност, тие сепак се ефикасни во намалувањето на тешката болест, вклучително и против варијантата делта “, рече Ван Керхове.

Делта варијантата доведува до наплив на случаи од Португалија до Русија, додека Британија на почетокот на овој месец ја одложи за четири недели следната фаза од својот план за повторно отворање. Во САД, каде стапките на вакцинација се релативно високи, здравствените власти велат дека варијантата делта може да стане доминантен вид во текот на летото. Инфекциите и смртните случаи од вирусот паднаа како резултат на вакцините, но меѓу невакцинираните има сè поголем доказ дека се шири делта варијантата.

Извор: Радио Слободна Европа