Тројца мртви и двајца ранети во пукање во Канада

При пукање во Винипег, Канада, три лица загинаа, а две се тешко повредени, соопшти локалната полиција. Престрелката се случила вчера нешто по 4 часот наутро, западно од центарот на градот.

Полицајците на местото на настанот пронашле пет жртви со прострелни рани.

„Инцидентот се случи во резиденција со повеќе единици; нема дополнителни информации за можниот мотив, рече портпаролот на полицијата во Винипег, Џејсон Михалишен“, пренесува Си-Ен-Ен.

На местото на настанот е констатирана смрт на маж и жена. Три жртви биле пренесени во болница, а едната од нив подоцна починала од повредите.

„Две жртви, маж и жена, се во критична состојба во болница. Истрагата е во тек“, рече Михалишен.

Властите се уште не го соопштуваат идентитетот на жртвите.

Извор: РСЕ

Прочитајте повеќе

Белорусија одржува општи избори, опозицијата повикува на бојкот

Белорусија одржува строго контролирани парламентарни избори под силно обезбедување на избирачките места и во услови …