Уапсени девет полициски службеници за фалсификување документи

Уапсени девет полициски службеници за фалсификување документи

Во голема полициска акција попладнево се уапсени девет полициски службеници кои биле дел од синџир за фалсификување патни исправи и лични документи. Од МВР велат дека акцијата е сѐ уште во тек, а детали најавија по нејзиното завршување.

Вчера ВМРО-ДПМНЕ објави соопштение од брифинг, а денеска лидерот на партијата Христијан Мицкоски на прес-конференција обвини дека власта им издавала македонски пасоши и документи на балкански наркобосови со лажен идентитет. Тој најави дека до Обвинителството ќе ги испрати сите документи за т.н. афера „Мафија“, кои ги добиле преку свиркачи и побара експресна реакција од надлежните органи.

Мицкоски рече дека аферата потврдува дека власта е во спрега со мафијата и дека ова не само што има негативно влијание дома, туку се одразува и регионално. Тој приложи докази дека двајца, како што рече тој, „членови на високи мафијашки структури од Србија и Турција, Јован Вукотиќ и Седат Пекер, добиле македонски пасоши со туѓ идентитет“.

По вчерашниот брифинг се огласи и јавната обвинителка Вилма Русковска, која рече дека „ќе почека постапка од МВР“. МВР денеска ја потврди меѓународната акција за „апсење на полициски службеници осомничени за фалсификување лични документи“ и соопшти дека вчерашните „брифинзи на една политичка партија биле со цел саботажа на акцијата“.

Извор: Радио Слободна Европа

Прочитајте повеќе

Георгиев бил фатен на дело со мито, Иџет Мемети е второосомничен

Обвинителство: Врховниот судија Георгиев бил фатен на дело со мито, Иџет Мемети е второосомничен

Јавен обвинител предложи притвор само за првоосомничениот кој е затекнат при извршување на кривичното дело, …