Украина: Смртоносен напад на Денот на независноста

На Денот на независноста на Украина, на кој се навршуваа и шест месеци од почетокот на руската инвазија, според властите во Киев, во руски ракетен напад врз железничката станица во местото Чаплине загинале 22 лица.

Најмалку 22 лица загинаа, а повеќе десетици се ранети во рускиот ракетен напад на железничка станица во градот Чаплине во централна Украина, изјави украинскиот претседател, Володимир Зеленски.

Нападот се случи, 6 месеци по почетокот на руската инвазија и на Денот на независноста на Украина. Претходниот биланс беше 15 мртви и 50 ранети.

„Штотуку добив информација за рускиот ракетен удар на железничката станица во Дњепропетровската област, на вагони на станицата во Чаплино. Четири патнички вагони се во пламен“, рече Зеленски, обраќајќи се до Советот на безбедност на ОН, преку видео-линк.

„Спасувачките екипи се на терен, но бројот на жртвите сепак може да се зголеми. Тоа е нашето секојдневие“, додаде Зеленски. Министерството за одбрана во Киев на Твитер објави фотографии на кои би требало да се види уништениот воз.

Зеленски рече дека Украина „ќе ги натера агресорите да платат за сѐ што сториле и ќе ги протера од својата земја“:

Украинскиот претседател со денови предупредуваше оти Москва би можела да се обиде да стори „нешто особено свирепо“ на денот кога Украина обележа 31 година од независноста и во текот на неделата.

Извор: DW

Прочитајте повеќе

Бајден: Блиску сме до договор за прекин на огнот во Газа

Американскиот претседател Џо Бајден синоќа изрази оптимизам дека нaскоро ќе се постигне нов прекин на …