Вчера дадени 4.961 дози ковид вакцини, досега имунизирани 47 отсто од полнолетните граѓани

Министерството за здравство соопшти дека вчера биле дадени вкупно 4.961 дози вакцини против ковид-19, од кои 1.721 биле прва доза, 1.030 граѓани биле ревакцинирани, а 2.210 примиле трета доза вакцина.

Заклучно со 15 ноември, вкупно биле вакцинирани 815.523 граѓани, ревакцинирани се 785.916, а трета доза примиле 56.349 граѓани.

Во проценти, 57 отсто од граѓаните над 40-годишна возраст се ревакцинирани, а 33 отсто од популацијата од 18 до 39 години примиле барем една доза вакцина.

Опфатот со вакцинација со една доза вакцина, на полнолетната популација е 58 отсто, а со две дози опфатени се 47 отсто од граѓаните над 18 години, односно тие се сметаат за имунизирани.

Во поглед на целокупното население, 38 отсто од граѓаните примиле две дози вакцина.

Извор: МЕТА