Вистиномер: Морбидна манипулација е дека кралицата Елизабета пие детска крв за својата виталност

Вистиномер: Морбидна манипулација е дека кралицата Елизабета пие детска крв за својата виталност

Скандалозна манипулација со фрејминг, односно со намерно изоставување на клучни информации и додавање други, лажни, неточни информации го карактеризира постот што го рецензираме на Фејсбук, а кој има постигнато виралност од над 44 споделувања, пишува Вистиномер.мк во својата нова анализа, што ја пренесуваме во целост.

Во него, всушност, е поставена фотографија од вест објавена на ТВ „Канал 5“ за кралицата Елизабета која ќе го прослави својот 95 роденден на 21 април. Медиумот споделува рецепт за тајната на виталноста на кралицата, која според некои експерти се должи на нејзиниот омилен пијалок – џин со вино. Меѓутоа, во постот што го рецензираме, наместо да се каже дека тој пијалок е џин со вино, лажно се тврди дека е детска крв. Морбидната манипулација е постигната на начин што не е споделен целосниот линк од „Канал 5“ и нивната вест, која е пренесена од српскиот магазин „Новости“. Наместо тоа, објавена е фотографија од првиот пасус од веста, која е дополнета со фотомонтиран дел кој гласи:

А коктелот содржи еден килограм детска крв, невини деца што се масакрирани во нивните подземни подруми!

Морбидната манипулација е надградена и со лажното тврдење дека самиот медиум „Канал 5“ го објавил ова, што, исто така, е невистина.

30.03.2021 КАНАЛ 5 ТВ објавува адренохром

 Погледнете што објавува канал 5 г-дине мајк значи сите медии се нивни јас лично ова го објавив во my story, пишува во описот на постот.

Кога ќе се погледне веста објавена на „Канал 5“, која, пак, е преземена од српски медиум, евидентно е дека во неа не постојат измислените информации, кои го наведуваат читателот на конспирациско мислење дека богатите славните и моќните политички фигури конзумираат аденохром, детска крв, како напиток на нивната младост. Таква конспирациска теорија кружи на интернет со години.

Според проверката на фактите, утврдивме дека е лага оти напивката којашто кралицата Елизабета ја конзумира секој ден е аденохром, односно крв од деца. Вистинската информација и вест е монтирана за да се изманипулира јавното мислење.

Препорачуваме граѓаните секогаш да го проверуваат оригиналниот извор на информацијата кога на Фејсбук ќе пронајдат фотографија, односно скриншот од вест, која е половично пренесена. Зад таквото половично пренесување може да стои  манипулација, односно намера да се одбегне вистинскиот контекст и на текстот да му се даде сосема друго значење, пишува Вистиномер во својата нова анализа.

Извор: МЕТА

Прочитајте повеќе

Георгиев бил фатен на дело со мито, Иџет Мемети е второосомничен

Обвинителство: Врховниот судија Георгиев бил фатен на дело со мито, Иџет Мемети е второосомничен

Јавен обвинител предложи притвор само за првоосомничениот кој е затекнат при извршување на кривичното дело, …