Влада: Од вечерва затворени сите гранични премини и аеродромот во Скопје

Владата донесе одлука да се затворат сите македонски гранични премини, како и меѓународниот аеродром во Скопје. Нема да биде дозволен влез на странски државјани, патници и возила, освен за влез и транзит на товарни возила, за претставниците на дипломатскиот кор, како и за други лица за кои Министерството за внатрешни работи ќе даде дозвола по претходно мислење од главниот координативен штаб, кој ќе потврди дека има посебен државен или економски интерес.