ВМРО-ДПМНЕ ЈА ПОДДРЖА ИНИЦИЈАТИВАТА НА ГРАДОНАЧАЛНИЧКАТА ПЕТРОВСКА

Советниците во Советот на Општина Битола ја поддржаа иницијативата на градоначалничката Наташа петровска за субвенционирање на бесплатен јавен градски превоз на патници, во денови со високи нивоа на концентрации на ПМ10 честички во амбиенталниот воздух, над 100 микрограми на метар кубен.

Со оваа одлука се утврдува правото на бесплатен превоз на сите патници кои ќе користат јавен превоз со градските линии на територијата на општина Битола, во работни денови во кои концентрацијата на ПМ 10 честички во амбиентниот воздух измерена во 06:00 часот на државната мерна станица на квалитет на амбиентен воздух „Битола 2“, според податоците од веб страницата на Министерството за животна средина и просторно планирање, ќе изнесува над 100 микрограми на метар кубен.