Во Хрватска Ден на жалост

Денеска во Хрватска е Ден на жалост, во чест на жртвите во земјотресот од 29 декември. Во земјотресот загинаа 7 лица и беше причинета голема материјална штета.

Денот на жалост се одбележува со задолжително истакнување на државното знаме на половина копје, на сите згради на државните органи и тела на единиците на локалната и регионалната самоуправа.

Забранети се забавни настани, а телевизиите и радијата треба да ги прилагодат своите програми.

Во земјотресот беа оштетени над 2.000 згради, а најпогоден беше градот Петриња.