Во клубот на пратеници, нова средба на Заев и Гаши

Денеска во 14 часот во Клубот на пратеници во Скопје ќе се одржи нова средба на премиерот Зоран Заев и претседателот на Алтернатива, Африм Гаши на која ќе се разговара за вклучување на партијата во Владата и зголемување на парламентарното мнозинство.

Одржувањето на средбата го потврдија и од Владата и од Алтернатива.

Заев и Гаши имаа средба во понеделникот, кога начелно бил договорен програмскиот дел од можната идна соработка на Алтернатива во Владата и беше најавено дека по консултациите во двете партии, СДСМ и Алтернатива, ќе следи и нова работна средба со тимовите.

На средбата, премиерот Заев беше придружуван од заменик-министерот за финансии Димитар Ковачевски, а лидерот на Алтернатива Гаши од генералниот секретар на Алтернатива, Беким Сали.

Прочитајте повеќе

Фондацијата Метаморфозис со конкурс за годишна награда „Илија Жупаноски“ за справување со дезинформации

Ќе бидат доделени две годишни награди во две категории: Најдобар новинарски труд, односно стручен труд …