ПУБЛИКУМ Вистината на прво место
Здравствениот дом во Крушево ќе започне со тестирањеза Ковид-19, благодарение на тестовите обезбедени преку Министерство за здравство.
Крушевскиот Здравствен дом денеска објави дека за многу скоро ќе се започне со тестирање, а граѓаните ќе можат да закажуваат тестирање преку матичните лекари.
„Благодарение на донацијата од Министерството за здравство, во најскоро време ЈЗУ Здравствен дом Крушево ќе врши тестирања за Ковид-19. Тестирањата ќе се прават преку ‘Мој термин’ со закажување од матичниот лекар“, велат од Здравствениот дом.
За градоначалникот на општина Крушево, Томе Христоски, ова е уште еден важен чекор во насока на справување со вирусот.
„Министерството за здравство овозможува тестирање и во Крушево. Со тоа, сите граѓани на општина Крушево ќе имаат во секое време термини за тестирање и нема да мора да одат во соседните општини за да се тестираат. Овој чекор сериозно ќе ја олесни работата на матичните лекари, Здравствениот дом и ќе им се олесни на граѓаните во ситуацијата кога се сомневаат и покажуваат симптоми на коронавирус“, вели градоначалникот Христоски.
