Во Прилеп одбележан 23 Октомври, Денот на македонската револуционерна борба

Градоначалникот Илија Јованоски и претставници на политички партии, денеска го одбележаа Денот на македонската револуционерна борба, 23 Октомври.

По тој повод, делегациите положија свежо цвеќе пред спомениците на Ѓорче Петров и Пере Тошев.

Македонската револуционерна организација е формирана на 23 октомври 1893 година во Солун, во куќата на книжарот Иван Хаџи Николов, а овој ден од 2007 година се празнува како државен празник.