Во Прилеп одбележан Светскиот ден на џудото

По повод Светскиот ден на Џудото, денеска во Паркот на револуцијата, со почитување на мерките за заштита од Ковид-19, а во организација на ЏК „Сеишин“  од Прилеп, се одржа настан со кој беше одбележан овој значаен ден за џудо-спортот.

Оваа година Светскиот ден на џудото се одбележа под мотото „Заедно посилни” и согласно тоа, организаторот ЏК „Сеишин“ ги покани двата градски клуба, ЏК „Санкаку“ и ЏК „Прилеп“ на заеднички празничен тренинг и заедничка прослава.

Покрај нив, на покана на ЏК „Сеишин“, на настанот присуствуваа и џудо ветераните од Прилеп, на чело со претседателот на иницијативниот одбор на џудо ветерани и селектор на џудо селекцијата на Северна Македонија, Киро Здравески.

Сите учесници се здобија со диплома за учество на настанот, издадена од Интернационалната џудо федерација.