Во Собранието почнува седницата за избор на Влада

Во Собранието на Република Северна Македонија денеска ќе започне расправата за избор на Влада. Седницата е закажана за 11 часот, а расправата може да трае најмногу два дена, односно до утре вечер, недела, до полноќ..

Новата влада на СДСМ и ДУИ ќе биде без министри без ресор, а, според досегашните најави, ќе има четворица вицепремиери, односно ќе брои 20 членови, вклучително и премиерот, наместо досегашните 27

Мандатарот Зоран Заев, за членови на Владата ги предлага:

Љупчо Николовски вицепремиер за борба против корупцијата;

Фатмир Битиќи, вицепремиер за економија;

Никола Димитров,  вицепремиер за европски прашања;

Оливер Спасовски, министер за внатрешни работи;

Радмила Шекеринска, министер за одбрана;

Бојан Маричиќ, министер за правда;

Благој Бочварски, министер за транспорт и врски;

Венко Филипче, министер за здравство;

Мила Царовска, министер за образование и наука;

Јахода Шахпаска, министер за труд и социјална политика;

Ирена Стефоска, министер за култура;

Аријанит Хоџа, министер за земјоделство, шумарство и водостопанство;

Горан Милевски, министер за локална самоуправа;

Артан Груби, прв вицепремиер и министер за политички систем;

Бујар Османи, министер за надворешни работи;

Фатмир Бесими, министер за финансии;

Крешник Бектеши, министер за економија;

Насер Нуредини, министер за животна средина;

Јетон Шаќири, министер за информатичко општество и администрација.