Врнежите од дожд продолжуваат и денеска

Во нашата земја денеска ќе преовладува претежно облачно време со врнежи од дожд, кои на повеќе места ќе бидат поројни и проследени со грмежи. Локално се очекува да наврнат над 15 л/м2. На планините на северозапад ќе врне снег. Ќе дува слаб до умерен ветер во западните делови од западен, а вдолж Повардарието од северен правец. Минималната температура ќе изнесува 4, а максималната 17 степени Целзиусови.