Втор изборен круг: Денеска гласаат болните, немоќните, лицата со Ковид-19, затворениците

Денес на вториот круг на Локалните избори гласаат болните и изнемоштените, како и граѓаните кои се во изолација поради ковид-19. Овој втор изборен викенд бројот пријавени болни и изнемоштени е поголем отколку во првиот круг. На пример во Охрид и Дебрца, правото на глас се пријавиле да го искористат 112 лица повеќе од 17 октомври, односно вкупно 311.

Освен болните и изнемоштени лица денес гласаат и затворениците и притворениците, вкупно 1409, 266 лица кои се сместени во установи за вонсемејно сместување, како и шест граѓани кои имаат статус на раселени лица.

Во вториот круг на овие локални избори, право на глас имаат 1 353 990 граѓани на 2481 избирачки места.

Утре вториот изборен круг ќе се спроведе во 44 општини.

Извор: МЕТА