Затворен граничниот премин Мердаре меѓу Косово и Србија

Затворен граничниот премин Мердаре меѓу Косово и Србија

Граничниот премин Мердаре е затворен поради поставување барикади во Србија на околу два километра од оваа граница, соопшти синоќа Националниот центар за гранично управување на Косово. Мердаре – еден од граничните премини со Србија – го користи косовската дијаспора за влез и излез од Косово. Министерството за надворешни работи и дијаспора (МПЈД) преку објава на социјалната мрежа Фејсбук соопшти дека „српските криминални групи го блокираа граничниот премин Мердаре“. Се известуваат сите сонародници и граѓани кои се на пат да ги користат другите гранични точки за сообраќај до дополнително известување од институциите на Република Косово“, се наведува во соопштението. Министерството за надворешни работи ги советува граѓаните кои веќе влегле во Србија да ги користат граничните премини Мутивода и Деу и Барда или преку Скопје да тргнат кон граничниот премин Прешево.

Србија со зголемена борбената готовност, косовските Срби со нови барикади

Вчера на северот на Косово беа подигнати нови барикади, едната во мултиетничката населба Бошњачка махала во Северна Митровица, а другата во Дудин Крс на мостот што ја поврзува Северна Митровица со главниот пат Приштина-Рашка, соопшти косовската полиција. Барикадата во Бошњачка Махала е прва поставена во Северна Митровица. Тие досега беа лоцирани на територијата на другите три општини со српско мнозинство на север – Звечане, Лепосавиќ и Зубин Поток. Бошњачката населба се наоѓа помеѓу јужна Митровица, каде што Албанците се мнозинство, и северна Митровица, каде живее мнозинско српско население. Локалните Срби на северот на Косово од 10 декември ги блокираат патиштата во тој регион поради апсењето на нивниот сонародник Дејан Пантиќ, кој е осомничен дека учествувал во нападот врз службениците на Централната изборна комисија. Косовските власти претходно најавија дека имаат капацитет да ги отстранат барикадите на север, но дека е одлучено да му се даде можност на КФОР да ги убеди локалните Срби да ја отстранат тешката механизација што ги блокира самите патишта.

Вучиќ: зборуваме за да го зачуваме мирот, тие сакаат протерување на Србите

Српскиот претседател Александар Вучиќ ги посети единиците еден ден откако нареди борбената готовност на армијата и полицијата да се подигне на највисоко ниво. Во објава на Инстаграм тој изјави дека по посетата на дел од единицата оди на средба со претставници на Србите од Косово. Општина Рашка во Србија се наоѓа во близина на границата со Косово. Од подигнувањето на барикадите на северот на Косово, забележани се голем број инциденти со огнено оружје, рачни и шок бомби. Владата на Косово во понеделникот соопшти дека е во постојана комуникација со мисијата на НАТО на Косово, КФОР и дека ја чека нивната акција, нагласувајќи дека косовската полиција ги има сите капацитети да ги отстрани барикадите.

Извор: Радио Слободна Европа

Прочитајте повеќе

Дали по заканите за „Голема Србија“ наскоро ќе следат дела?

Дали по заканите за „Голема Србија“ наскоро ќе следат дела?

Србија и босанските Срби сè поотворено се стремат кон заедничка држава и го продлабочуваат сојузот …