Земјотрес со сила од 4,8 степени во Албанија, почувствуван во повеќе градови во Македонија

Сеизмолошка опсерваторија при Природно-математичкиот факултет во Скопје синоќа во 22 часот и 37 минути, регистрираше земјотрес со епицентар на 20 километри североисточно од Тирана, во Албанија и со локална Рихтерова магнитуда од 4.8 степени.

Според досегашните информации со кои располага опсерваторијата, земјотресот е почувствуван од населението на Македонија, особено во западните делови, во градовите Дебар, Гостивар, Тетово и околината со интензитет од III до IV степени според Европската макросеизмичка скала, во северните делови, во градовите, Скопје, Велес и околината со интензитет од III степени и во југозападните делови, Охрид, Ресен, Битола и околината со интензитет од II – III степени според истата скала.