ПУБЛИКУМ Вистината на прво место
На денешната вонредна седница на Советот на општина Битола, која се одржа по електронски пат, едногласно беше изгласана Одлуката за донирање на финансиски средства на ЈЗУ Центар за јавно здравје Битола.
Парите ќе бидат искористени за ставање во функција на Микробиолошката лабораторија за молекуларна дијагностика на КОВИД-19, во насока на ефикасно, ефективно и навремено детектирање на пациентите со коронавирус.
Средствата кои што ги одвојува Општина Битола за оваа лабораторија се во висина од 600.000 денари, или приближно 10.000 евра.
