Денеска слаб дожд и снег, од утре значителен пад на температурите

Денеска преку денот ќе има повремени врнежи од дожд на пониските места, од снег на планините, а во северните делови понекаде врнежите ќе преминат во снег и на повисоките места. Вечер и во претпладневните часови од утрешниот ден врнежите ќе престанат, додека во северните и источните делови од земјата на пониските места повремено ќе паѓа снег.

Ќе дува умерен до засилен северен ветер најизразен утре и кон крајот на работната недела, што ќе предизвика значително заладување. Минималната температура ќе се спушти до -10, а максималната дневна температура ќе достигне 11 степени Целзиусови.