Разрешен синдикалниот лидер на „Фени“

На последното собрание, работниците му искажаа недоверба на претседателот на синдикатот на „Фени“, откако финансиската контрола на работењето покажала дупка од околу 100 илјади евра во финансиите на синдикалната организација на комбинатот, објави 24 Вести.

Недостигале документи за направени трансакции и позајмици, а контролата утврдила дека исплати и договори со коминтенти се склучувале без одлука на синдикалниот одбор. За надзорниот одбор спорни се и договорите за набавка на огревни дрва, позајмицата од бугарски „Енекод“, трошоците за телефон, угостителски услуги, подароци и прослави.

Извор: Слободен печат