Обраќање на претседателот на Владата Оливер Спасовски по повод Меѓународниот ден на жената

Денешниот празник, 8 март, Меѓународниот ден на жената, е симбол на борбата за сите права и за еднаквост на жените во целиот свет.

Празникот не повикува да продолжиме да ги совладуваме конзервативните и застарени принципи за улогата на жената. Да ги менуваме тие принципи и да останеме посветени на тоа сѐ до постигнување на целосната правична родова еднаквост.

Постигнувањето на еднаквоста бара постојаност и упорност од сите нас.

Клучна улога во тој процес имаат доброто образование, особено темите за родова еднаквост и недискриминација.

Посебно место меѓу приоритетите се и економската и социјалната рамноправност.

Да не престанеме да се залагаме за создавање услови за економски самостојни девојки и жени. Тоа се услови за нашите мајки, сопруги и ќерки полесно да се справуваат со дискриминацијата, насилството и сиромаштијата.

Општеството ќе се движи напред со еманципирани жени и девојки!

Само на тој начин, и со заеднички заложби и учество во овие процеси ќе го зајакнеме општеството на еднакви граѓани и граѓанки по сите основи.

Честит 8 март за родово еднакво општество!