Обезбедени средства за изработка на детален урбанистички план во општина Крушево

Во рамки на годишната програма за финансирање на изработка на урбанистички планови донесена од Владата на Република Северна Македонија, обезбедени се средства за изработка на детален урбанистички план во општина Крушево.

Како што велат од Општина Крушево, ова е продолжение на процесот на изработка на урбанистичките планови, после тековното работење на Генералниот урбанистички план и изработка на детални планови за селата.

„Со овие процеси го продолжуваме процесот на решавање на многу проблеми на граѓаните, но и дефинирање на приоритети како од урбанистички аспект да се развива општината. Владата повторно ни’ излегува во пресрет и заеднички ја унапредуваме општината“, изјави крушевскиот градоначалник Томе Христоски.