ПУБЛИКУМ Вистината на прво место
Во текот на изминатото деноноќие (22/23.02.2021 година) на територијата на Република Северна Македонија, регистрирани се 386 прекршоци за неносење заштитна маска, извести Министерството за внатрешни работи (МВР).
Полицијата апелира до граѓаните да ги почитуваат мерките и протоколите донесени од Владата за ковид-19.
Инаку, бројот на активни случаи на лица заболени од ковид-19 во земјава изнесува 6.590, заклучно со вчерашните бројки на Министерството за здравство. Најголем број на активни случаи има во Скопје (2.938), но во изминативе денови во некои општини, како што се Прилеп (473) и Кавадарци (454), повторно се јавува позабележително зголемување на бројот на заболени лица од корона вирусот.
