Бензините поскапуваат за половина денар, цената на дизелот останува иста

Бензините од ноќеска на полноќ ќе поскапат половина денар, а цената на дизелот ќе остане иста, соопшти Регулаторната комисија за енергетика.

Новата цена на „еуросупер БС-95“ ќе изнесува 67 денари за литар, а на „еуросупер БС-98“ изнесува 69 денари за литар. Цената на дизелот останува 61 денар за литар, а на екстра-лесното масло за домаќинство 51 денар.