Општина Битола обезбеди боја за премачкување на недоличните натписи на фасадата на ОУ „Св.Климент Охридски“, кои деновиве беа испишани на ѕидовите на битолското основно училиште.
„Додека некои уништуваат, сепак имаме и млади граѓани кои размислуваат на поинаков начин. Утринава, група младинци започнаа со премачкување на недоличните натписи на фасадите на основното училиште ‘Св. Климент Охридски’. Пред неколку дена се појавија вандалски натписи на ѕидовите од ОУ „Св. Климент Охридски“ во Битола , во кои беше употребен говор на омраза и недоличности, истовремено уништувајќи ја фасадата на училиштето“, се вели во соопштението на Општина Битола.