Болницата во Тетово преполнета, МЗ размислува за воведување вонредни локални мерки

Министерството за здравство (МЗ) информира дека во болницата во Тетово изминатото деноноќие има голем наплив на пациенти и се работи на интензивна реорганизација со цел соодветно згрижување на сите. Веќе се користи и болницата во Лешок, а не е исклучено пациенти да бидат префрлани во други градови.

„На колегите од Тетово им се дава соодветна поддршка во делот на кадар и сместувачки капацитети. Од пред два дена пациенти се сместуваат и во болницата во с. Лешок, а доколку е потребно пациенти ќе бидат сместувани и во други болници во близина или во Скопје. Во текот на утрешниот ден ќе се донесе одлука дали и колку дополнителен кадар кој во најкус рок ќе биде распореден“, соопшти МЗ.

Министерството размислува и за воведување дополнителни локални мерки за што ќе биде разговарано утре. Истовремено, МЗ апелира граѓаните да ги почитуваат мерките за лича заштита со цел спречување на понатамошно влошување на состојбата.

Извор: МЕТА