Денеска натпросечно топло, од утре попладне нестабилно време со дожд и засилен ветер

Под влијание на јужно струење и топла воздушна маса и денес времето ќе биде топло со дневни температури над просекот за овој период од годината и на целата територија ќе биде активно жолто ниво на опасност од високи температури. Максималната температура ќе достигне 35 степени.

Кон крајот на утрешниот ден ќе има промена на времето кога ќе преовладува променливо облачно и нестабилно време со локален пороен дожд, грмежи и засилен ветер. Во недела ќе дува силен северен ветер кој ќе услови пад на дневните температури, а од понеделник ќе има позначително опаѓање и на утринските и на дневните температури.