дизел

Дизелот поевтинува за 2,5 денари по литар

Малопродажната цена на дизел горивото се намалува за два и пол денари за литар, соопшти Регулаторната комисија за енергетика и водни услуги (РКЕВУ) согласно својата најнова одлука.

Ова е четврто по ред поевтинување на дизелот во изминативе седум дена. За една седмица, цената на ЕУРОДИЗЕЛ (Д-Е V) се намали за вкупно осум и пол денари за литар.

Со најновото поевтинување, од ноќеска на полноќ дизел горивото на бензинските станици низ земјава ќе се продава по цена од 76 денари за литар.

РКЕВУ информираше дека поевтинува и Екстра лесното масло за домаќинство и тоа за два денара за литар и од вечерва ќе чини 75 денари за литар.

Во меѓувреме, цените на бензините не се менуваат. ЕУРОСУПЕР БС-95 и понатаму ќе се продава по цена од 82 денари, додека ЕУРОСУПЕР БС-98 и понатаму ќе чини 84 денари за литар.

Прочитајте повеќе

Владата на ВМРО-ДПМНЕ ќе пополнува дупки во локалните буџети

Владата на ВМРО-ДПМНЕ ќе пополнува дупки во локалните буџети

Милијарда евра за четири години, односно 250 милиони евра годишно од државната каса ќе добијат …