Еувсдисинфо: Про-Кремљ медиумите со нов омилен манипулативен збор

Про-Кремљ медиумите досега ја етикетираа руската опозиција како „фашисти“, „сатанисти“, „Малтузијанци“, глобалисти… Но, од неодамна, „неолибералите“ станаа ново омилено „страшило“ – баук за про-Кремљ медиумите, пишува „Еувсдисинфо“.

Терминот „неолиберал“ не беше многу чест во базата на податоци на дезинформации, но во текот на првите недели од 2021 година тоа е веќе новиот омилен збор за прo-Кремљ медидумите. „Јужниот фронт“ го употреби терминот скоро 30 пати за да означи нешто непријатно: „Масовно сузбивање на слободата на говорот“; „Нов бран на цензура, политички лов на вештерки на „белите угнетувачи“; „Обид за ребрендирање на вооружените сили на САД, вклучително и воздушните сили и морнарицата, за нови, неолиберални сили“; Рускиот дисидент Алексеј Навални е неолиберален; Градоначалникот на Москва Сергеј Собјанин е неолиберален. Опозицијата во Белорусија е неолиберална и нацистичка. Нападот на Капитол Хил на 6 јануари заврши, според зборовите на „Јужен фронт“, со победа на непријателите на народот, пренесува КриТинк.мк.

Големата предност на „нео-либерализмот“ како манипулативно сретство е што концептот може да биде исполнет со сè што не им се допаѓа на левичарите, како и на десничарите. Затоа лесно може да се најдат „напади“ од десничарска перспектива, но исто толку лесно можеме да најдеме „левичарски гласови“ кои го критикуваат неолиберализмот на руските платформи, пишува „Еувсдисинфо“.

Извор: МЕТА