Градоначалникот на општина Центар Горан Герасимовски преку соопштение до јавноста посочи дека УХМР и за денеска издаде предупредување за невреме и упати апел до граѓаните да бидат претпазливи, да избегнуваат движење надвор додека трае невремето, да ги затворат прозорците и соодветно да го обезбедат нивниот објект ако протекува.
Како што се вели во соопштението, службите на општина Центар изминатото деноноќие се на терен, ги расчистуваат паднатите дрвја и гранки и на одредени локации ги санираат штетите настанати од вчерашното невреме кое го зафати Скопје.
![Герасимовски: УХМР најави ново невреме, затворете ги прозорците и обезбедете го објектот ако протекува](https://meta.mk/wp-content/uploads/2022/08/shteti-od-nevreme-3-1024x768.jpg)
„Утринава имавме состанок на општинскиот Штаб за заштита и спасување. Во контакт и
координација сме и со останатите надлежни институции и ги преземаме сите мерки за
расчистување на паднатите дрвја, гранки и покриви. Во текот на денот ќе се врши и проценка на штетите од поплавите кои зафатија дел од општинските градинки и училишта и работиме на нормализирање на состојбата“, изјави градоначалникот Герасимовски, по завршувањето на состанокот на штабот.
До општината вчера пристигнале многу пријави за оштетени возила, живеалишта, деловни простори, проблеми со шахтите и сливниците и сите тие се проследени до надлежните сектори или институции за натамошно постапување.
Извор: МЕТА