Комеморативен настан во чест на идеологот КУЗМАН ЈОСИФОСКИ – ПИТУ

Комеморативен настан во чест на идеологот: „КУЗМАН ЈОСИФОСКИ – ПИТУ, ПРИЛЕПСКА И МАКЕДОНСКА ГОРДОСТ”

Кузман Јосифоски – Питу е еден од најсветлите ликови на поновата македонска историја, великан кој бескомпромисно ги бранел македонските национални особености. Питу е продолжувач на илинденската традиција и еден од главните идеолози и организатори на Народно-ослободителната борба и антифашистичка револуција, личност кој што го трасирал патот кон македонската државност“, рече во своето излагање историчарот Рубинчо Белчески, на комеморативниот настан кој по повод 80-годишнината од загинувањето на народниот херој Кузман Јосифоски – Питу го организираше ОО на СДСМ – Прилеп, во соработка со прилепскиот Сојуз на борци и граѓаните продолжувачи.

На комеморативниот настан насловен како „КУЗМАН ЈОСИФОСКИ – ПИТУ, ПРИЛЕПСКА И МАКЕДОНСКА ГОРДОСТ”, беа презентирани познати и помалку познати фотографии и фактографски податоци поврзани со револуционерното дело и краткиот животен пат на Питу.

Покрај мноштвото информации, на настанот беа прочитани и цитати од рефератот со наслов „Хероите и мачениците на Македонија”, кој Питу го поднел на Преспанското советување на Централниот комитет на Комунистичката партија на Македонија, кое од 2 до 4 август 1943 година се одржало во близина на Отешево.

Одбележувањето на 80-годишнината од загинувањето на народниот херој и еден од најголемите синови на македонскиот народ, Кузман Јосифоски – Питу, предизвика голем интерес меѓу прилепчани, кои до последно место го исполнија фоајето на ЦК „Марко Цепенков“.

Прочитајте повеќе

Филипче-Пендаровски

Пендаровски за Филипче: Многу човечки животи се спасени заради неговите интервенции

„Многу човечки животи се спасени заради неговите интервенции, неговите дијагнози, неговите операции. Просто кажано, станува …