Вчера на паркингот кај спортската сала „Македонија“, се одржа изложба на автомобили. Настанот кој го организираше клубот за автомобилизам „Прилеп“ беше од хуманитарен карактер, со цел беше собирање финансиски средства за помош на Виктор Петрески.
Според организаторот, изложбата во целост ги исполнила очекувањата. Собрани се 107.000 денари, односно околу 1.750 евра, средства кои му се донирани на семејството на Виктор Петрески.
Изложбата на автомобили се одржа во соработка со здружението за туризам и угостителство „Меанџии“ од Прилеп.