Кети Стевананџија: Инвестициите во образованието се инвестиции во иднината на државата

Прес-конференција на Кети Стевананџија, член на Извршниот одбор на СДСМ – Прилеп

Почитувани,

Во изминатите 7 години власт на Социјалдемократскиот сојуз на Македонија на централно и 4 години на локално ниво, како никогаш порано, прилепските училишта доживеаја вистинска ренесанса.

Инвестициите во основните и средните училишта во општина Прилеп од страна на Владата и претходната локална власт предводена од СДСМ, се мерат во милиони евра.

Целосна реконструкција на училишни згради, опремување, уредување и адаптација на предметни кабинети и работилници, изградба на нова училишна спортска сала и спортски игралишта, нова дограма, информатичка технологија и нагледни средства.

Вкупните инвестиции на Владата и Министерството за образование во прилепските основни и средни училишта, ја достигнаа сумата од близу 3.000.000 евра, а вложувањата на поранешната локална власт изнесуваат над 1.600.000 евра.

Сите споменати реконструктивни зафати и изнесените вкупни суми инвестирани во прилепските училишта се факти, за кои најдобро сведочат учениците и севкупниот наставнички кадар.

Од владините мерки реализирани на централно ниво, неизбежно треба да се потенцираат:

• воведениот субвенциониран оброк за повеќе од 30.000 студенти;
• двојно зголемените стипендии за ученици и студенти;
• реконструираните и изградени 120 училишта;
• стипендиите за студенти на математика, физика, македонски јазик и на земјоделскиот факултет, во висина од 18.000 денари на месечно ниво;
• 820-те образовни асистенти за работа со деца со потешкотии;
• дуалното образование со вклучени 560 компании и 8.240 ученици со стипендирање и работно место.

Конечно, со зголемувањето на платите на наставниците и професорите за 65 отсто, исплатата на регрес за годишен одмор и овозможениот кариерен развој, Владата на СДСМ се погрижи за враќање на достоинството на наставничката професија.

Секоја споредба на нашите политики со неуспешните образовни експерименти во 11-годишното владеење на ДПМНЕ на централно, и безидејноста во имплементацијата на образованието на локално ниво, се беспредметни.

Бидејќи за нас, за Социјалдемократскиот сојуз на Македонија, инвестирањето во образовниот процес е инвестирање во иднината на државата!