Кои се патниците во исчезнатата подморница „Титан“

Кои се патниците во исчезнатата подморница „Титан“

Во Атлантскиот океан кај Канада исчезна подморница со пет лица што ги водат богатите авантуристи на патување од 250.000 долари за да ги видат остатоците од катастрофата на Титаник од 1912 година.

Хамиш Хардинг, британскиот милијардер и претседател на авијациската консултантска компанија „Екшн Авиејш“ (Action Aviation) е меѓу исчезнатите, според неговиот посинок. Хардинг од Дубаи објави на социјалните мрежи дека е горд што се упатува кон Титаник како специјалист за мисии.

„Поради најлошата зима во Њуфаундленд во последните 40 години, оваа мисија веројатно ќе биде првата и единствена мисија со екипаж до Титаник во 2023 година. Само што се отвори временски прозорец и утре ќе се обидеме да нурнеме“.

Во 2016 година, Хардинг го придружуваше поранешниот астронаут Баз Олдрин на Јужниот пол, кога Олдрин стана најстариот човек кој некогаш стигнал до регионот на Антарктикот, на 86 години. Хардинг исто така беше во мисијата на летот „Ушпте една орбита„ во 2019 година кога постави рекорд за најбрзо обиколување на земјата со авион преку двата географски пола.

Шахзада Давуд и неговиот син Сулејман се исто така дел од екипажот. Тоа веќе го потврди и нивното семејство. Шахзада е потпретседател на еден од најголемите пакистански конгломерати, „Енгро Корпорејшн“ (Engro Corporation), со инвестиции во вештачки ѓубрива, производство на возила, енергија и дигитални технологии. Според веб-страницата на СЕТИ, истражувачки институт со седиште во Калифорнија, чиј управник е тој, живее во Британија со сопругата и двете деца.

Пол-Анри-Наргеолет е 77 годишен француски истражувач, за кого медиумите велат дека е еден од петтемина во бродот. Тој е директор за подводни истражувања во компанија која ги поседува правата на потонатиот брод Титаник. Во интервју од 2020 година, тој зборуваше за опасностите од длабоко нуркање, велејќи: „Не се плашам да умрам, мислам дека тоа ќе се случи еден ден“.

Стоктон Раш е основач и извршен директор на оперативната компанија на бродот со седиште во САД, „Оушн Гејт“ (OceanGate). Според извештаите на медиумите, тој исто така е дел екипата во подморницата. Според неговата биографија објавена на веб-страницата на „Оушн Фејт“, Раш стана најмладиот пилот за транспорт на авиони во светот во 1981 година на 19-годишна возраст.

„Оушн Гејт“ има успешно завршено над 14 експедиции и над 200 нуркања во Пацификот, Атлантикот и Мексиканскиот Залив”, се вели на нејзината веб-страница.

Извор: РСЕ

Прочитајте повеќе

Кети Стевананџија: Реконструирано „крушевското џаде“, Владата на СДСМ прави за Прилеп повеќе отолку градоначалникот Јовчески

Кети Стевананџија: Реконструирано „крушевското џаде“, Владата на СДСМ прави за Прилеп повеќе отолку градоначалникот Јовчески

Прес-конференција на Кети Стевананџија, член на Извршниот одбор на СДСМ – Прилеп Почитувани, Владата предводена …