Колони на граничните премини со Грција

На граничниот премин „Богородица“ на границата меѓу Северна Македонија и јужниот сосед Грција, за излез од земјава се чека час и половина, а на граничниот премин „Дојран“, исто така на македонско – грчката граница, се чека околу еден час, соопшти Автомото сојузот на Македонија (АМСМ).

Грција, која излегува на две мориња, е една од најпосакуваните туристички дестинации за граѓаните на европските земји, и за граѓаните од регионот, кои транзитираат низ Македонија, за да стигнат на море во Грција.

Во ек на туристичката сезона долгите колони и неколкучасовните чекања се карактеристични за граничните премини на македонско-грчката граница.

На останатите гранични премини од македонска страна нема подолги задржувања за влез и излез од земјава.