Ковачевски за Велигден: Да ја зацврстиме вербата во заедништвото, со храбри и совесни одлуки да ги осигураме мирот и благосостојбата на сегашните и идните генерации

Претседателот на Владата, Димитар Ковачевски, упати писмо со честитки за најголемиот христијански празник Воскресение Христово – Велигден, до поглаварот на Македонска Православна Црква – Охридска Архиепископија, Архиепископ Охридски и Македонски, г.г. Стефан, како и до Светиот архиерејски Синод, свештенството и монаштвото на МПЦ- ОА и до сите верници кои денеска го чествуваат празникот.

„Победата на животот над смртта што ја симболизира Велигден, е силна порака за успехот на храбрите одлуки, кога се носат со искрена верба во заедничкото добро.

Во овие времиња на војна на европскиот континент и на светска економска и енергетска криза, повеќе од потребна е обновата на гласот на совеста кај секого и издигнување над лични интереси, со цел заедно да ги осигураме просперитетот и перспективите на сегашните и идните генерации.

Како што покажува и овој празник, исправниот пат ја искушува вербата, за да ја зацврсти волјата со којашто единствено можно да се постигнат колективниот мир и благосостојба.

Честит и вековит да е празникот на Христовото Воскресение – Велигден!“, напиша во писмото до поглаварот на МПЦ-ОА, г.г. Стефан, претседателот на Владата, Димитар Ковачевски.