ПУБЛИКУМ Вистината на прво место
Во рамки на Проектот за локална и регионална конкурентност, подпроект „Кругот на адреналинот – развој на авантуристички туризам во Крушево“, изминатиот викенд во Крушево се одржа обука за напредна прва помош, со што се исполни една од целите на проектот – градење на капацитетите на спасувачката служба на параглајдинг натпреварите.
На обуката учествуваа и се лиценцираа 13 луѓе, а обуката беше спроведена од страна на Црвениот крст.
Проектот за локална и регионална конкурентност е финансиран од ЕУ, администриран од Светска Банка, а имплементиран од Канцеларијата на вицепремиерот за економски прашање во Владата на Република Северна Македонија, канцеларијата на Проектот во Скопје и Општина Крушево.
