Во тек е реконструкција на дел од улицата „Питу Гули“, која ќе биде заокружена со изградба на паркинг. Пред поставувањето на асфалтот, ЈП „Комуна“ работи на промена на водоводна цевка и реконструкција на приклучоци за вода на домаќинствата.
Овој пат беше видно оштетен и беше еден од приоритетите на Општина Крушево, откако претходно се реконструираа делови од улиците „Нико Доага“ и „Партизанска“.
Реконструкцијата се имплементира во рамки на Проектот за поврзување на локални патишта финансиран од Светска Банка и имплементиран од Министерство за транспорт и врски со Општина Крушево.