Куманово: Титулата „Спортист на годината“ за велосипедистот Андреј Петровски

Во организација на Општинскиот сојуз на спортови – Куманово, а под покровителство на градоначалникот и општинскиот Совет, Куманово ги одбра најдобрите спортисти за 2019 година.

Титулата „Спортист на годината“ му припадна на членот на Велосипедскиот клуб „Вело М“, Андреј Петровски.

Покрај Петровски, меѓу 10-те најдобри се најдоа и:

• Матеја Ефремовска – Атлетски клуб „Куманово“
• Милош Велевски – Кик бокс клуб „Куманово 2006”
• Марјан Ивановски – Аеро клуб „Куманово“
• Зоран Ристовски – Велосипедски клуб „Вело М”
• Александра Боризовска – ЖРК „Куманово“
• Филип Стојановски – КК „Куманово 2009”
• Никола Петрушевски – Клуб за бразилска џиуџица „The strongest and ruts”
• Стефан Кимевски – МРК „Куманово”
• Емил Цветанов – Велосипедски клуб „Крос сајклинг“

Покрај дипломите, пехарите, признанијата и благодарниците за најдобрите спортисти, тренери, спортски клубови и спортски работници,  во рамките на оваа спортска манифестација беше прикажан документарниот филм на авторот Марјан Стошевски, за 90 годишниот јубилеј на Женскиот ракометен клуб „Куманово“.