Кузеска: Спрегата Мицкоски со Орце е на виделина, функционерот на ВМРО-ДПМНЕ, Менкиновски го брани Камчев

Кузеска: Спрегата Мицкоски со Орце е на виделина, функционерот на ВМРО-ДПМНЕ, Менкиновски го брани Камчев

Прес-конференција на СДСМ, Богданка Кузеска, портпаролка на СДСМ

Почитувани граѓани, почитувани новинари,

На виделина е спрегата на Христијан Мицкоски со тајкунот на режимот, Орце Камчев. Обвинето лице во судски предмети а од вчера и во притвор.

Ова е Тони Менкиновски, претседател на правната комисија на ВМРО-ДПМНЕ, човек близок на Христијан Мицкоски.

Токму човекот на Мицкоски, кој често сме го гледале од партиската говорница на ДПМНЕ во белиот дворец, му е адвокат и го брани Орце Камчев.

Истиот Менкиновски, беше главен „преговарач“ на Мицкоски и ВМРО-ДПМНЕ во разговорите за Законот за јавно обвинителство.

Уште тогаш велевме дека Мицкоски прави се’ за да пропаднат случаите на СЈО отворени пред македонските судови и да се спасат криминалците на режимот. И ова сега е потврда на тоа и на неговата улога.

Поставен на браникот на криминалот, токму Мицкоски во една јавно објавена снимка потврди дека е единствен којшто се бори против случајот Империја и против Законот за Јавно обвинителство.

ВМРО-ДПМНЕ, не си ги бара парите 1,3 милиони евра, наводно украдени од донации за партијата, како што е наведено во предметот, туку го брани Камчев. На оваа партија, очигледно поважен и е Орце Камчев отколку сопствените финансии.

Почитувани, јасна е поврзаноста меѓу Христијан Мицкоски и Орце Камчев.

Она што е важно е дека докажаниот губитник, Христијан Мицкоски, не успеа да го спречи носењето на Законот за јавното обвинителство, не успева ниту да ги одбрани криминалците во своите редови.

Правдата е тука, секој што го прекршил законот, мора да одговара.

Прочитајте повеќе

Сдсм знаме

Спасовски: Системски закони не се носат по брза постапка, пратениците на СДСМ ќе гласаат за симнување од дневен ред

Системски закони не се носат по брза постапка, пратениците на СДСМ ќе гласаат за симнување …