Надежта за спасување на патниците на „Титан“ згаснува

Надежта за спасување на патниците на „Титан“ згаснува

Потрагата е во полн ек, но кислородот има само за уште неколку часа. На спасувачите и на роднините им е потребно чудо во потрагата по исчезнатата подморница „Титан“.

Повеќе од три дена по исчезнувањето подморницата „Титан“ во Атлантикот, надежта за преживување на петте исчезнати авантуристи згаснува. Ним полека им снемува кислород. Имено резервите би требало да истечат денеска, се разбира доколку подморницата претходно воопшто не била оштетена.

Потрагата ја предводи американската крајбрежна стража а во своевидната трка со времето за спасување на патниците на малата подморница, која исчезна во близина на потонатиот брод „Титаник“ се вклучени повеќе бродови и авиони, како американски така и канадски.

Потрагата по „Титан“ се одвива деноноќно а во неа учествуваат американски и канадски бродови
Потрагата по „Титан“ се одвива деноноќно а во неа учествуваат американски и канадски бродови

Контактот со подморницата е изгубен еден час и 45 минути откако таа се нурна во неделата попладне. Како што е наведено на веб-страницата на компанијата „ОушнГејт“, станува збор за подморница долга 6,7 метри и тешка повеќе од десет тони, која може да нурне до длабочина до 4.000 метри. Има камери, светла и скенери за истражување на околината. Во подморницата има и залиги со кислород за 96 часа престој во пловилото.

Американската крајбрежна стража проценува дека резервите на кислород на патниците во подморницата би можеле да истечат во 7 часот и 18 минути по нивно време, односно во 13 часот и 18 минути по средноевропско време.

Спасувачките тимови нагласија дека мора да останат оптимисти, па во потрагата денеска ќе се приклучат уште десет бродови и подморници на далечинско управување.

Областа за пребарување беше проширена откако се слушнаа звуци во вторникот и во средата. Потрагата сега опфаќа површина двојно поголема од државата Конектикат и оди на длабочина до 4 километри.

Се уште се анализира дали подводните звуци чуени во вторникот и во средата потекнуваат од исчезнатата подморница
Се уште се анализира дали подводните звуци чуени во вторникот и во средата потекнуваат од исчезнатата подморница

Звуците не се идентификувани и не се знае со сигурност дали дошле од подморницата.

Матичниот брод на подморницата „Полар принц“ е командно место на потрагата, а се наоѓа на локацијата каде што потона „Титаник“.

Денеска во текот на денот роботски возила опремени со камери ќе го пребаруваат морското дно.

Прочитајте повеќе

Кети Стевананџија: Реконструирано „крушевското џаде“, Владата на СДСМ прави за Прилеп повеќе отолку градоначалникот Јовчески

Кети Стевананџија: Реконструирано „крушевското џаде“, Владата на СДСМ прави за Прилеп повеќе отолку градоначалникот Јовчески

Прес-конференција на Кети Стевананџија, член на Извршниот одбор на СДСМ – Прилеп Почитувани, Владата предводена …