ПУБЛИКУМ Вистината на прво место
Планинскиот ултрамаратон со должина од 100 километри, кој се одржувал во северозападната кинеска провинција, Гансу завршил трагично. Во текот на вчерашниот дел кога тркачите поминале триесетина километри и стигнале до месноста наречена Камена гора, по течението на реката Хуангхо, ги зафатило бура, проследена со град, замрзнат дожд и силен ветар. Условите се влошиле, а температурата на воздухот се спуштила околу нулата.
Дури 172 учесници се изгубиле, по што трката била веднаш прекината. Организаторите реагирале до спасувачките и медицинските служби да ги евакуираат маратонците, но невремето предизвикало свлечишта и одрони, што им ја отежнaло работата на спасувачките екипи. Според локалните медиуми, до утринава биле пронајдени 152 спортисти, меѓу кои имало и 21 загинат ултрамаратонец.
