НАТО започнува големи воени вежби во Северна Европа, објави „Гардијан“. Вежбите започнуваат денеска и ќе траат речиси две недели, а целта е одбрана на својата новопроширена нордиска територија.
Повеќе од 20.000 војници од 14 земји ќе учествуваат во вежбите предводени од Норвешка, во северните региони на Финска, Норвешка и Шведска, со учество на Финска како членка на НАТО за прв пат како дел од алијансата.
Другите земји-учеснички во вежбата што ќе трае до 15 март се Белгија, Велика Британија, Канада, Данска, Франција, Германија, Италија, Холандија, Норвешка, Шпанија, Шведска и САД.
„Вежбата ќе ја покаже оперативната способност, кохезијата и волјата на НАТО да ја брани целата област на Алијансата“, наведено е во соопштението на финската војска.
„Ова ќе биде најзначајната вежба за обука на НАТО во последните децении, нејзините подготовки и оние на Нордискиот одговор, се во тек веќе неколку години“, се додава во соопштението.
Односите меѓу Москва и Хелсинки се влошија по целосната инвазија на Украина од Русија во 2022 година. Тоа ја натера Финска да се откаже од децениското воено неврзување и да се приклучи на западната воена алијанса НАТО во април 2023 година.
Русија, со која Финска дели 830 милји (1.340 километри) граница, веднаш предупреди на „контрамерки“.
Со својата кандидатура сега ратификувана од сите членки на НАТО, соседна Шведска сега ги финализира формалностите за влез во воениот сојуз како нејзина 32 членка.
Извор: МЕТА
ПУБЛИКУМ Вистината на прво место
