ПУБЛИКУМ Вистината на прво место
Големо невреме со обилни дождови и грмотевици, град и силен ветер го зафати вчера приквечер северот на Србија, при што во Војводина и во Срем погодени беа и поголемите градови Нови Сад, Зрењанин, Рума, Шабац и Валево, јави српскиот весник „Данас“. Силен дожд имало и во Крагуевац, во централна Србија.
Метеоролозите невремето со обилни врнежи го припишуваат на влијанието на циклон во Централен Медитеран.
Во Нови Сад и во другите градови, покрај обилниот дожд, паѓаше и град, а беа поплавени подрумски простории и подвозници.
Пожарникарите и екипи на српското МВР имале интервенции во голем дел од погодените подрачја во Војводина – Банат, Срем и Западна Србија. Претежно се работело на исцрпување вода од подруми и подвозници, но исто така извлекувани биле шестмина од поплавени возила.
Извор: МЕТА
