Одржана седница на Општинскиот штаб за заштита и спасување на Крушево

15.03.2020 Македонија

Општинскиот штаб за заштита и спасување на општина Крушево, на денешната седница ги донесе следните заклучоци за заштита, спречување и превенција од корона вирусот :

Во пазарните денови, односно понеделник и четврток, во Крушево нормално ќе функционира пазарот со препорака да се спречат поголеми собири на граѓаните и истите да не се задржуваат подолго време во објектот од пазарот.
Градоначалникот на општина Крушево ги откажува отворените денови за прием на странки во кабинетот, се’ додека трае ваквата состојба и препораките на Министерството за дравство, да се објават телефонските броеви за контакт.

Да се објават телефонски броеви за помош на стари изнемоштени лица кои не можат да излегуваат од своите домови.
Народната кујна во нашата општина ќе им доставува сува храна три пати во неделата на лицата кои имаат потреба.
Здравствениот дом во Крушево информира дека се откажуваат специјалистички прегледи кои биле закажани во овој период и сите други прегледи кои не се итни да се избегнуваат и да се јават во Заводот за јавно здравје во Прилеп.
МВР, ОВР-Крушево ќе ја следат состојбата со ангажирање на патролни служби и ќе има засилени мерки и контроли за сузбивање на поголеми групи по излетнички места и слично, но и ќе ја следат состојбата при влез на возила и граѓани во општината и градот.
Се задолжуваат сите институции кои спаѓаат под локалната самоуправа да извршат дезинфекција во седиштата на сите институции и училиштата пред почетокот на наставата. Помош ќе има од локалната самоуправа во средства за дезинфекција во училиштата
Локалната самоуправа ќе помогне во однос на средства за дезинфекција и на другите органи на општината.
Се задолжуваат основните училишта и средното општинско училиште на територијата на општина Крушево, да најдат начин за изведување на алтернативна настава преку електронско учење од страна на професорите и учениците.
Општина Крушево заедно со ТППЕ и Црвениот Крст на општината, формираа тимови за помош на изнемоштени, хронично болни и стари лица заради купување на намирници и лекови.
Се задолжуваат превозниците да ги дезинфицираат секојдневно превозните средства на територијата на општина Крушево.
Секој граѓанин да се грижи за своите животни и да ја одржуваат нивната хигиена.
Апел да се почитуваат препораките од Министерството за здравство на РСМ.
Се задолжува Одделението за администрирање на приходи во Општина Крушево, да изврши комуникација со сите приватни сместувачки капацитети во Крушево и да им укажат за препораките за неприфаќање на потенцијални туристи во овој период, се’ додека трае препораката на Министерството за здравство и да се следи примерот на хотелите.
Апел да се избегнуваат собири на граѓани во продавниците во населените места-селата во општина Крушево.