Претседателот Пендаровски прими трета доза вакцина против ковид-19

Претседателот Стево Пендаровски, заедно со вработените во Кабинетот на Претседателот на РСМ, денеска ја примија третата доза вакцина против ковид-19.

Пендаровски по примањето на бустер-дозата на Фејсбук напиша дека масовната вакцинација е најсигурниот и најбезбедниот начин за справување со ковид-19.

„Да бидеме одговорни, да го заштитиме своето и здравјето на другите“, им порача претседателот Пендаровски на сите македонски граѓани кои размислуваат дали да се имунизираат против ковид-19.