Прилепски „Комуналец“ ги реновира постојните и гради нови маалски паркови

ЈКП „Комуналец“ Прилеп работи на реновирање, реконструкција и изградба на нови паркови во сите делови од градот.

Еден од комплетно реновираните маалски паркови е и паркот на ул.„Мечкин Камен“ и спојот со ул „3 Ноември“. За потребите на паркот ископан е нов бунар за техничка вода, ограден е од безбедносни причини, а воедно се работи и на обновување на тревнатата површина и комуналната опрема.

Со самоорганизација на месното население, со нивна донација на финансиски средства, материјали и работна рака, изграден е летниковец како и параклис посветен на „Св.Ѓорѓи“.