Приватните превозници со протест пред ЈСП ќе си ги бараат парите

Приватните превозници со протест пред ЈСП ќе си ги бараат парите

Приватните автобуски превозници кои до неодамна ги одржуваа градско-приградските линии од скопскиот јавен превоз, за денеска од 9 часот најавија одржување на протест пред седиштето на ЈСП-Скопје во Автокоманда. Тие очекуваат средба со директорот на ЈСП, а нивното барање е да им се исплати долгот којшто ЈСП-Скопје го има кон приватните превозници.

„Макекспрес“ и „Слобода превоз“ кон крајот на минатата година побараа исплата на долгот од 1,5 милиони евра што го има кон нив ЈСП-Скопје за одржувањето на градско-приградските линии. Автобуските превозници веќе во ноември лани престанаа да сообраќаат на градско-приградските линии поради долгот, по што како израз на револт блокираа и сообраќајници во центарот на Скопје кон крајот на ноември и почетокот на декември минатата година.

Градот Скопје ги раскина договорите со „Макекспрес“ и „Слобода превоз“, по што во декември лани распиша нови јавни повици за пронаоѓање на заинтересирани превозници што би ги одржувале дел од градско-приградските линии во Скопје, но повиците пропаднаа кон средината на јануари годинава поради тоа што никој не се пријави.

Во меѓувреме, градско-приградските линии на кои до неодамна сообраќаа приватните автобуски превозници се одржуваат со автобуси и возачи на ЈСП-Скопје.

Прочитајте повеќе

Наместо „Северна“ и „Македонија“, Сиљановска Давкова сега употребува „нашата држава“ и „нашата земја“

Наместо „Северна“ и „Македонија“, Сиљановска Давкова сега употребува „нашата држава“ и „нашата земја“

Четири пати во денешното соопштение од претседателскиот кабинет на Гордана Сиљановска Давкова по повод посетата …