Променливо облачно време со повремени врнежи од дожд

Денеска поради спуштање на постудена воздушна маса од север, ќе се задржи променливо облачно време. Претпладне по котлините ќе има појава на магла или ниска облачност, а ќе дува умерен, долж Повардарието повремено засилен (над 60 км/час) ветер од северен правец. Кон крајот на денот и во текот на ноќта ќе има повремени врнежи од дожд. Максималната температура ќе достигне 18 степени Целзиусови.

Во деновите од викендот ќе преовладува облачно време со повремени врнежи од дожд. Минималната тепература ќе се движи во интервалот од -1 до 7, а дневната од 10 до 18 степени Целзиусови.